Showing posts with label weeds. Show all posts
Showing posts with label weeds. Show all posts

പ്രണയത്തിന്റെ നിറഭേദങ്ങള്‍ !

സര്‍ഗാത്മാഗതയുടെ അസ്ഥിവാരങ്ങളില്‍
ഒട്ടിപിടിച്ചു കിടന്ന മൂന്നുവരിക്കവിതയിലെ
അക്ഷരങ്ങളായിരുന്നു പ്രണയം.

ഞാനും അവളും തീര്‍ത്ത മൌനതീര്‍ത്ഥങ്ങളില്‍
മണത്തു ജീര്‍ണിച്ചു കിടന്നിരുന്ന
നിസ്സംഗഭാവമായിരുന്നു പ്രണയം

ഭ്രാന്തമായ വരികളിലെ നിരപരാധികളായ
അക്ഷരങ്ങളുടെ ഇടയില്‍ വീര്‍പ്പുമുട്ടിക്കിടന്ന കണ്ണീരിന്റെ
കനത്ത നിശ്വാസങ്ങളായിരുന്നു പ്രണയം.

അറിഞ്ഞും അറിയാതെയും മനസ്സിലെരിഞ്ഞ
തിരിനാളങ്ങളിലെ വേര്‍പാടുകളുടെ പുകയായ്‌
മച്ചിലൊട്ടിയ നിശബ്ദതയായിരുന്നു പ്രണയം‍.

ആരെയോ തിരയുന്ന ഇരുട്ടിന്റെ ആത്മാവിലടക്കപ്പെട്ട
സ്വപ്നങ്ങളുടെ സ്വാര്‍ത്ഥതയില്‍ ആത്മഹത്യ ചെയ്ത
നഷ്ടബോധങ്ങളായിരുന്നു പ്രണയം.


ഭ്രാന്തു


ഇന്നു ഞാന്‍,
പകിട കളിക്കുക്കുന്ന കാലുകളില്‍
ചങ്ങല കെട്ടി.
മനസ്സില്‍ പുകയുന്ന കുന്തിരിക്കം
ആത്മാവില്‍ നിറച്ചു.
ആമാശയത്തില്‍ എരിയുന്ന മണ്ണെണ്ണ വിളക്ക്
ഊതിക്കെടുത്തി.
തലോച്ചോറില്‍ കുമിഞ്ഞു കൂടുന്ന സാമ്പാര്‍പ്പൊടിയില്‍
മുഖം പൂഴ്ത്തി.
ജീവിതം എന്നും പ്രണയത്തിന്റെ ഭ്രാന്താണെന്നറിഞ്ഞ്
ആത്മഹത്യ ചെയ്തു എന്റെ ദേഹം.

കഞ്ജാവ് മയം

വേട്ടയാടാന്‍ വിധിക്കപെട്ട വികാരങ്ങളെ
താലോലിക്കാന് ഞാനെടുത്തതു ഹാഫ് ലീവ്
നരഗാഗ്നി വിഴുങ്ങട്ടെ സൈരന്ദ്രിമാരെ....

ഇന്നും ഞാന്‍ എകനായിപ്പോയി...
നിലാവെയില്, ചന്ദ്ര ബിംഭം, മാളവിക..
എന്നീ പദങ്ങള്ക്കു എന്റെ നിഘണ്ടുവില് അറ്ത്ഥമില്ലായിരുന്നു...
കാറ്മേഘങ്ങള്‍ മഴത്തുള്ളികളാവന്‍ കൊതിചു...
ഞാന്‍ എന്റെ ഭ്രാന്തിയായ ഭാര്യയെ ഡൈവോറ്സ് ചെയ്തു...
ഇലകള്‍ കൊഴിയാത്ത ഡിസംബറ്
തണുപ്പില്ലത്ത ഡിസംബറ്
പ്രണയം തോന്നാത്ത ഡിസംബറ്
ഡിസംബറിന്റെ മൂഖത മാത്രം ബാക്കി

കവിതകളെഴുതിയ താളുകള് ഉണക്കാന്‍ വെച്ച ഞാന്....
താളുകള്‍ വെയിലില്‍ കരിഞ്ഞപ്പോള് കരയാന്‍ ശ്രമിച്ചു... ചിരിക്കാനും....
ചിരികള്ക്കു അന്ത്യമില്ലെന്നു എനിക്കറിയില്ലായിരുന്നു....

സന്തോഷത്തിന്റെയും ദു:ഖങ്ങളുടെയും വികാരങ്ങള്‍ ആഴങ്ങളിലായി...
സ്നേഹങ്ങള്‍ മഹാ സമുദ്രങ്ങളായി മാറി....
മഹാ സമുദ്രങ്ങള്‍ തീരങ്ങള്ക്കു വിരഹം കൈമാറി....ഞാനിപ്പോഴും കാത്തു നില്ക്കുന്നു
എന്റെ യുവത്വത്തിനു വേണ്ടി....